Ishonch telefoni (+998 71) 237-99-98Dush. – Jum. 9-00 dan 18-00 gacha

Vokzal ma’lumotxonasi 1005Kecha-kunduz

12:16:05 (GMT +5), juma, 22 mart 2019

“Yuk tashish – 2018”: Вilim, tajriba va yuqori natija

Bugungi kunda shiddat bilan rivojlanib, ilg'or texnologiyalar asosida takomillashib borayotgan temir yo'l sohasida mutaxassislarning bilim va malakasini muttasil oshirib borish muhimdir. Bu aholiga yuk tashish bo'yicha xizmat ko'rsatish miqyosini kengaytirish va sifatini yanada oshirishda zarur omil hisoblanadi. “O'zbekiston temir yo'llari” aktsiyadorlik jamiyatida 2018 yilning 5 dekabridan 26 dekabrigacha soha korxonalari o'rtasida bo'lib o'tgan “Yuk tashish – 2018” o'quv-mashg'ulotlari ham ana shu maqsadlarga qaratildi.

Mazkur o'quv tadbiri davomida davlat-lararo chegara stantsiyasi bo'lgan “Sari-og'och” bo'yicha 580 ta poezd qabul qilindi, 535 ta poezd jo'natildi. Bir kecha-kunduzda o'rtacha 26 ta poezd qabul qilindi, 24 ta poezd jo'natildi. Shuning dek, stantsiyalarda yuk poezdlarini texnik ko'rikdan o'tkazish, xizmat ko'rsatish o'z vaqtida va sifatli tashkillashtirildi. 

Chegara va bojxona ko'riklari qisqartirildi, lokomotivlardan  foydalanish ko'rsatkichlari yaxshilandi. Bir so'z bilan aytganda, o'quv jarayoni muvaffaqiyatli amalga oshirildi. Shu kunlarda mazkur tadbirda faol ishtirok etgan temiryo'lchilar va chegara-bojxona xodimlarini taqdirlash marosimi bo'lib o'tdi. Unda ishtirok etgan “O'zbekiston temir yo'llari” aktsiyadorlik jamiyati bosh qaruvi raisi vazifasini bajaruvchi Xusnutdin Xasilov o'quv-mashg'ulotida qatnashgan barcha ishtirokchilarga minnatdorlik bildirdi. 


– Bugungi kunda Prezidentimiz Shavkat Mirziyoyev rahbarligida barcha sohalarda yangi yo'nalishdagi izchil islohotlar amalga oshirilmoqda, – dedi u o'z so'zida. – Temir yo'l sohasida ham bosqichma-bosqich istiqbolli loyihalar bajarilib, hukumatimiz tomonidan oldimizga qo'yilgan vazifalar yuzasidan samarali natijalar qo'lga kiritilmoqda. Sohamizning asosiy faoliyati bo'lgan yuk va yo'lovchi tashish bo'yicha aholining talab va ehtiyojlari ta'minlab kelinmoqda. Mazkur o'quv tadbiri ham ana shu vazifalarimiz qatorida vagonlar oqimini ikki barobarga ko'paytirish, poezdlar harakatini tashkil etish bo'yicha ishchi-xodimlarning bilim va malakasini oshirish, kasbiy ko'nikmalarini shakllantirishda, eng asosiysi, xalq xo'jaligi yuklari butligini ta'minlagan holda manzillarga ishonchli va sifatli yetkazib berishda muhim ahamiyat kasb etadi.

Tadbirda o'quv-mashg'uloti jarayonida ishtirok etgan barcha korxona rahbarlari va xodimlarining katta mehnat va sa'y-harakatlari e'tirof etildi. “Yuk tashish – 2018” o'quv jarayonida alohida faollik ko'rsatgan bir qator xodimlarga tashakkurnoma va qimmat-baho sovg'alar topshirildi.

Qayd etish lozimki, "O'zbekiston temir yo'llari" AJ yuk tashish sohasida tadbirkorlar bilan hamkorlikni kengaytirish va rivojlantirish, shuningdek, yuk tashish bo'yicha faoliyatni yanada takomillashtirish maqsadida “Feedback” (fikr-mulohaza) loyihasini taqdim etmoqda. Ushbu tadbirni tashkil etishdan maqsad, yuk jo'natish va qabul qilish jarayonida tadbirkorlar duch kelayotgan kamchilik va muammolarni bartaraf etishdir. So'rovnoma bo'yicha taklif, fikr va mulohazalaringizni BU YERDA qoldirishingiz mumkin.

Axborot xizmati

“O‘zbekiston temir yo‘llari” AJ rasmiy saytining materiallaridan foydalanish, shu jumladan republikasiya qilish, faqat belgilangan shartlarni bajargan holatdagina foydalanish mumkin.

BELGILANGAN SHARTLARNI BAJARILMASLIK O‘ZBEKISTON RESPUBLIKASI QONUNCHILIGINING BUZILISHI HISOBLANADI

  • nashr uchun ko’rinish