Yana bir vokzal zamonaviy qiyofaga ega bo‘ladi
“O‘zbekiston temir yo‘llari” AJga qarashli “O‘ztemiryo‘lyo‘lovchi” aksiyadorlik jamiyati tomonidan mamlakatimizda yo‘lovchilarga yuqori darajada servis xizmatini ko‘rsatish, xavfsiz va tez o‘z manzillariga yetib olishlarini ta'minlash borasida bir qator ishlar amalga oshirilmoqda. Zamonaviy, ko‘rkam vokzallar barpo etilyapti, yangi yo‘nalishlarda qatnovlar joriy qilinmoqda.
Mamlakatimizning janubiy qismi Termiz shahrida ham ana shunday bunyodkorliklar amalga oshirilyapti. Jumladan, temir yo‘l vokzalini kapital ta'mirlash bo‘yicha qurilish-montaj ishlari olib borilmoqda. Dastlab binoning tashqi fasad va tom qismlari ta'mirlanadi. Inshootning kutish va VIP zallari ham zamonaviy qiyofa kasb etadi. Bu yerda yo‘lovchi poezdlarning qatnov jadvali aks etgan elektron oyna, Wi-Fi internet tizimi, elektron kutubxona joriy etiladi. Shuningdek, ona-bola xonasi yangidan jihozlanadi. Zamonaviy yoritish tizimlari o‘rnatiladi va perron ham ta'mirlanadi.
Bunyodkorlik ishlari doirasida vokzal hududi tubdan obodonlashtirilib, turli xil gul ko‘chatlari va xushmanzara daraxtlar ekiladi.
Axborot xizmati
“O‘zbekiston temir yo‘llari” AJ rasmiy saytining materiallaridan foydalanish, shu jumladan republikasiya qilish, faqat belgilangan shartlarni bajargan holatdagina foydalanish mumkin.
BELGILANGAN SHARTLARNI BAJARILMASLIK O‘ZBEKISTON RESPUBLIKASI QONUNCHILIGINING BUZILISHI HISOBLANADI
