Ishonch telefoni (+998 71) 237-99-98Dush. – Jum. 9-00 dan 18-00 gacha

Vokzal ma’lumotxonasi 1005Kecha-kunduz

03:09:38 (GMT +5), chorshanba, 22 Мая 2019

Temiryo‘lchilar xalqaro konferensiyada

“O‘zbekiston temir yo‘llari” aksiyadorlik jamiyati delegatsiyasi Eron Islom Respublikasi poytaxti Texron shahrida bo‘lib o‘tgan Iqtisodiy hamkorlik tashkilotning dengiz bo‘yi davlatlari vakillarining 5-yig'ilishida ishtirok etdi.    

Unda Xalqaro dengiz tashkiloti, BMTning Savdo va rivojlanish konferensiyasi, Yevropa iqtisodiy komissiyasi, Osiyo va Tinch okeani bo‘yicha iqtisodiy-ijtimoiy komissiyasi, Osiyo taraqqiyot bankining Markaziy Osiyo bo‘yicha mintaqaviy iqtisodiy hamkorlik dasturi vakillari hamda qator boshqa mamlakatlar yuk tashish bo‘yicha kompaniya va tashkilotlar qatnashdi.

Anjumanda bir qator xalqaro masalalar yuzasidan muzokaralar olib borildi. Jumladan, dengiz transporti sohasidagi hamkorlikning bugungi ahvoli, kemalar qatnovini shakllantirish, Iqtisodiy hamkorlik tashkilotiga a'zo davlatlar hududidagi portlardan birgalikda, oqilona foydalanish masalalari ko‘rib chiqildi. Shuningdek, xalqaro tashkilotga a'zo davlatlar o‘rtasida dengiz va quruqlikda yuk tashish bo‘yicha aloqalarni rivojlantirish, tranzit yuklarni tashishda qulayliklar yaratish xususida so‘z yuritildi. Kaspiy dengizi, Ummon va Fors ko‘rfazi bo‘ylab qo‘shimcha transport tizimini tashkil etish va taraqqiy ettirish borasida fikrlar bildirildi.   
  
Iqtisodiy hamkorlik tashkiloti 1985 yil tashkil etilgan bo'lib, 1992 yilda Tojikiston, Qirg'iziston, Afg'oniston, Turkmaniston, Qozog'iston davlatlari qatori O'zbekiston ham tashkilotning doimiy a'zosiga aylangan.

Axborot xizmati

“O‘zbekiston temir yo‘llari” AJ rasmiy saytining materiallaridan foydalanish, shu jumladan republikasiya qilish, faqat belgilangan shartlarni bajargan holatdagina foydalanish mumkin.

BELGILANGAN SHARTLARNI BAJARILMASLIK O‘ZBEKISTON RESPUBLIKASI QONUNCHILIGINING BUZILISHI HISOBLANADI

  • nashr uchun ko’rinish