Ishonch telefoni (+998 71) 237-99-98Dush. – Jum. 9-00 dan 18-00 gacha

Vokzal ma’lumotxonasi 1005Kecha-kunduz

21:44:20 (GMT +5), payshanba, 14 dekabr 2017

Hamkorlik istiqbollari

     O'zbekiston va Qozog'iston Respublikalari o'rtasidagi o'zaro manfaatli hamkorlik ko'plab sohalarda izchil rivojlanib bormoqda. Ikki davlat rahbarlarining muntazam uchrashuvlari chog'ida erishilayotgan kelishuv va shartnomalarning hayotga tatbiq etilishi natijasida qator yo'nalishlarda salmoqli yutuqlar qo'lga kiritilmoqda.

     Jumladan, joriy yilning o'tgan 9 oyi davomida o'zaro savdo aylanmasi 30 foizga o'sib, 1,5 milliard AQSH dollariga yetdi. Poytaxtimizda o'tkazilgan O'zbekiston va Qozog'iston hukumatlararo komissiya yig'ilishida ikki davlat temir yo'l tarmoqlari aloqalarini kengaytirish masalalariga ham alohida e'tibor qaratildi.




        Anjumanda yo'lovchi va yuk tashish borasida bir qator qulayliklar yaratish yuzasidan muhim masalalar bo'yicha kelishuvlarga erishildi. O'zbekiston va Qozog'istonning transport tizimini rivojlantirish borasidagi  ishonchli  va manfaatli   hamkorligi ham sezilarli darajada kengaymoqda. Xususan, temir yo'l tarmoqlarining o'zaro hamjihatlikda boshlangan faoliyati  uning  yangi sifat bosqichiga ko'tarilishida muhim omil bo'lib xizmat qilmoqda.

        Ma'lumki, O'zbekistondan jahon bozoriga temir yo'l orqali yetkaziladigan yuklarning katta qismi Qozog'iston hududidan olib o'tiladi. Shu bois  ikki davlat temir yo'l tizimi sohasida xavfsizlikni ta'minlash, yo'lovchi va yuk tashishni ko'paytirish yo'nalishida amalga oshiriladigan ishlar nihoyatda muhimdir. Jumladan, joriy yildan boshlab refrijerator sektsiyalariga Qozog'iston davlatida  tranzit yo'l xarajati uchun 2017 yil oxiriga qadar 67 foiz chegirma taqdim etilgan edi. Bu esa qishloq xo'jaligi mahsulotlari tannarxining birmuncha arzon bo'lishiga, ortiqcha sarf-xarajatlarning oldini olishga imkon beradi. Shu bilan birga, tranzit yuklarni tashishda ham yuqori ko'rsatkichlarga erishilayapti.  Xususan, o'tgan 10 oy davomida o'zaro yuk aylanmasi 10 million tonnadan ortiqni tashkil etdi. Yil oxiriga qadar bu ko'rsatkich 20 million tonnaga yetkazilishi rejalashtirilmoqda.

         Yo'lovchi tashish borasida O'zbekiston va Qozog'iston temir yo'l tarmoqlari o'rtasida kutilgan natijalarga erishilayapti. Jumladan, 2017 yil 22 martdan boshlab  Olmaota – Toshkent – Olmaota yo'nalishida “Tulpor–Talgo” xalqaro yo'lovchi poezdi qatnovi yo'lga qo'yildi. Hozirgi kunda mazkur yo'nalish bilan bir qatorda, Ostona – Samarqand shaharlari o'rtasida yo'lovchi poezdi ham xizmat ko'rsatmoqda. Ikki qo'shni davlatlar o'rtasida temir yo'l transporti sohasidagi hamkorlik yaxshi yo'lga qo'yilgan. Shu bois hamkorlikning kelajakdagi istiqboli yanada ulkan.

Axborot xizmati



  • nashr uchun ko’rinish