Ko'mirni o‘g‘irlagan tajovuzkorlar aniqlandi

• 23.11.2020
• RSS bo‘yicha yangiliklar
• 3322

Avval xabar qilganimizdek, joriy yilning 17 noyabr kuni "Obliq" temir yo‘l stansiyasidan ko‘mir ortilgan poyezd yukni belgilangan manzilga olib o‘tish vaqtida bir necha noma'lum shaxslar ko‘mir maxsulotini talon-taroj qilish maqsadida vagonga osilgan. 

Tezkorlik bilan mazkur holatni ko‘rgan va shu yerda xizmat olib borayotgan “O‘zbekiston temir yo‘llari” AJning Oxangaron o‘qchilik komandasi o‘qchisi tomonidan vagonga chiqqan noma'lum shaxslarni ushlash maqsadida teplovozni to‘xtatgan. Hujumchilarni qo‘lga olishga harakat qilgan bo‘lsa-da, noma’lum shaxslar voqea joyidan qochib ketgan. 

Zudlik bilan amalga oshirilgan tezkor-qidiruv ishlar natijasida g‘araz niyatli kimsalarning shaxslari aniqlandi. Ular hech qayerda ishlamaydigan Angren shahrida  yashovchi: X.A.Buranov (1980 y.t.), A.D.izamov (1989 y. t.), S.U.Tanjarikov (1986 y. t.) va X.U.Tanjarikov (1985 y. t.) lar bo‘lib chiqdi.

Hozirda mazkur holat yuzasidan tergovoldi tezkor surishtiruv tadbirlari olib borilmoqda.

Axborot-tahliliy media markazi

• nashr uchun ko‘rinish
• 0
  0