Ishonch telefoni (+998 71) 237-99-98Dush. – Jum. 9-00 dan 18-00 gacha

Vokzal ma’lumotxonasi 1005Kecha-kunduz

06:51:39 (GMT +5), payshanba, 17 yanvar 2019

Statistik ma’lumot

"O’zbekiston temir yo’llari" aksionerlik jamiyatining 
 2018 yil 9 oyda bajarilgan ish ko’rsatkichlar to’g’risida

  statistik ma’lumot             

           Asosiy ko’rsatkichlar                                 Yillar Farqi %
III chorak 2017 y. III chorak 2018 y.
1. Jo’natilgan yuk, mln.tonna 50,517 50,824 100,6
2. Yuk aylanmasi, mlrd.km/tonnasi 17,330 17,334 100,0
3. Yo'lovchilar aylanmasi, mln.km/yo'lovchi 3291,7 3304,8 100,4
4. Tashilgan yo’lovchilar, ming. odam 16,15 17,41 107,8
5. Jo'natilgan yo'lovchilar, ming.odam 15,77 17,04 108,1
6. Umumiy ishchi-xodimlar soni, ming odam 74,80 84,90 113,5
7. Yangi tashkil e'tilgan ish joylar 1445 3830 265,1
8. Daromadlar, mlrd. so'm 3488,6 5450,4 156,2
                                    Yillar Farqi %
III chorak 2017 y. III chorak 2018 y.
9. Eksplutasion temir yo’l uzunligi, km 4303,7
4641,9 107,9
10.    shu jumladan elektrifikasiya yo’li, km 1353,5
1684,5 124,5




"O'zbekiston temir yo'llari" aktsiyadorlik jamiyatining 

2018 yil 9 oy uchun ish yakunlari xisoboti


2018 yil 9 oylik davrda “O'zbekiston temir yo'llari” AJ stantsiyalari tomonidan 50,82 mln.tonna yuk jo'natildi.

Hisobot davrida yuk aylanmasi 17,33 mlrd.tn-km.ni, barcha yo'nalishlar bo'yicha tashilgan yuklar esa 70,57 mln.tonnani tashkil etdi.

Jamiyat daromadlari o'tgan yilga nisbatan 1 961,8 mlrd.so'mga ko'p bajarilgan (2017 yil – 3 488,6 mlrd.so'm) bo'lib, 5 450,41 mlrd.so'mni tashkil qildi, shu jumladan tashishlardan tushgan daromad 4 228,4 mlrd.so'm bo'ldi.

Yo'lovchi aylanmasi hajmi 3 304,8 mln.yo'lovchi km.ni tashkil qildi yoki o'tgan yilning shu davriga (2017 yil – 3 291,7 mln. yo'lovchi km.) nisbatan 100,4% ga bajarildi. 2018 yilda 17,41 mln.yo'lovchi tashildi yoki o'tgan yilga nisbatan 1 259,1 ming yo'lovchiga ko'p.

2018 yil 1 oktyabr holatiga jamiyatda umumiy ishchilar soni 85,0 ming kishini, shu jumladan asosiy faoliyatda 44,0 ming kishini tashkil qildi. Mazkur davrda jamiyat bo'yicha o'rtacha oylik ish haqi 1 682 917 so'mni tashkil qildi yoki o'tgan yilning shu davriga nisbatan 23,8% ga oshdi.

O'isobot davrida 3830 ta yangi ishchi o'rinlari tashkil qilindi. Shu jumladan 1734 ta investitsiya dasturi bo'yicha, 53 ta mahalliylashtirish bo'yicha, 1882 ta tarmoqni rivojlantirish bo'yicha, hamda 161 ta yangi ish o'rinlari kasanachilik bo'yicha.

2018 yilda 03.02.2018 yildagi 3507 PF ga asosan “O'zbekiston temir yo'llari” AJ da 324,17 mln.dollarlik 15 ta investitsiya va infratuzilma loyihalari o'zlashtirish ko'zda tutilgan, shu jumladan:

-    Davlat byudjeti mablag'lari hisobidan – 50,72 mln.dollar;

-  O'zbekiston Respublikasi Taraqqiyot va Tiklanish Fondi hisobidan – 86,83 mln.dollar;

-    Chet el investitsiya mablag'lari hisobidan – 115,7 mln.dollar;

-    Tijorat banklari kreditlari hisobidan – 25,0 mln.dollar;

-    O'z mablag'lari hisobidan – 45,92 mln.dollar.

2018 yilning 9 oyligida 224,63 mln.dollar ( davr prognoziga – 161%) mablag' o'zlashtirildi:

-  Davlat byudjeti mablag'lari hisobidan – 48,39 mln.dollar quyidagi investitsiya yo'nalishlariga yo'naltirilgan: “Toshkent shahridagi yer usti halqa metropoliten liniyasining qurilishi”, “Urganch-Xiva temir yo'l liniyasi qurilishi”, “Qarshi-Kitob temir yo'l liniyasini tez yurar yo'lovchi poezdlarini tashkillashtirish bilan elektrlashtirish”, “Yangi elektrlashtirilgan Angren-Pop temir yo'l liniyasi qurilishi “Pop-Qo'qon-Andijon”, “Buxoro-Misken temir yo'l liniyasi qurilishi”;

-   O'zbekiston Respublikasi Taraqqiyot va Tiklanish Fondi hisobidan – 28,68mln.dollar;

-     Chet el investitsiya mablag'lari hisobidan – 73,67 mln.dollar

-   O'z mablag'lari hisobidan – 65,73 mln.dollar quyidagi yo'nalishlarga sarflandi:

“Pop-Namangan-Andijon temir yo'l uchastkasini elektrlashtirish”, “Buxoro-Misken temir yo'l liniyasi qurilishi”, “Qarshi-Termiz temir yo'l uchastkasini elektrlashtirish”, “Yangi elektrlashtirilgan Angren-Pop temir yo'l liniyasi qurilishi “Pop-Qo'qon-Andijon” uchastkasini elektrlashtirish”, “Urganch-Xiva temir yo'l liniyasi qurilishi”, “Qarshi-Kitob temir yo'l liniyasini tez yurar yo'lovchi poezdlarini tashkillashtirish bilan elektrlashtirish”, “Angren shaxtasini qurilishi”.

Bundan tashqari 2018 yilda 180 km temir yo'lni ta'mirlash, 29 ta lokomotilarni va 1500 ta yuk vagonlarini qayta tiklash, 1000 ta yuk va 15 ta yo'lovchi vagonlarini ishlab chiqarish ko'zda tutilgan.

  

Yuklash uchun hujjatlar