Ishonch telefoni (+998 71) 237-99-98Dush. – Jum. 9-00 dan 18-00 gacha

Vokzal ma’lumotxonasi 1005Kecha-kunduz

06:26:03 (GMT +5), payshanba, 27 aprel 2017

E'lonlar

KORPORATIV BOSHQARUV TIZIMINI BAHOLASH UCHUN TANLOV

“O’zbekiston temir yo’llari” AJ korporativ boshqaruv tizimini baholash uchun “Korporativ boshqaruv kodeksi”da belgilangan tashkilotlar sirasiga kiruvchi mustaqil tashkilotlar o’rtasida tanlov o’tkazmoqda.

Ushbu jarayonda ishtirok etish istagida bo’lgan tashkilotlar 2017 yil
27 aprelga qadar, muhrlangan yopiq konvertda, quyidagi hujjatlarni taqdim etishlari mumkin:

·         tashkilot haqida qisqacha ma’lumot;

·         korporativ boshqaruv tizimini baholash uchun xizmat narxi va ishlarni bajarish muddati ko’rsatilgan holda tanlovda ishtirok etishi to’g’risida ishtirokchining taklifi;

·         davlat ro’yxatidan o’tganlik to’g’risida guvohnoma, auditorlik tashkilotlari uchun auditorlik faoliyatini amalga oshirish huquqini beruvchi va qimmatli qog`ozlar bozorining professional ishtirokchilari uchun qimmatli qog`ozlar bozorida professional faoliyatni amalga oshirish huquqini beruvchi listenziya nusxalari;

·         auditor malaka sertifikati (auditorlik tashkilotlari uchun), qimmatli qog’ozlar bozori mutaxassisi malaka attestati, korporativ boshqaruvchi malaka attestati va boshqa xalqaro sertifikatlar nusxalari;

·         korporativ boshqaruv tizimini baholash bo’yicha baholashni o’tkazish uslubi va hisobot shabloni to’g’risida ma’lumot;

·         jamiyat korporativ boshqaruv tizimini baholashda qatnashuvchi mutaxassislar haqida ma’lumot (rezyume), shuningdek ularning malakasini tasdiqlovchi sertifikatlar nusxalari.

To’lov shartlari: shartnoma summasining 50 foizidan kam bo’lmagan miqdorda oldindan to’lov (shartnoma imzolangandan so’ng 15 kun ichida), shartnomaning qolgan summasi tegishli hujjatlar rasmiylashtirilganidan so’ng 15 kun ichida.

Tijorat taklifida narxlar maksimal darajadagi chegirma bilan so’mda ko’rsatilishi lozim.

“O’zbekiston temir yo’llari” AJ korporativ boshqaruv tizimini baholashni amalga oshirish uchun mustaqil tashkilotni tanlash, tijorat takliflari bilan hujjatlar qabul qilinishi yakunlanganidan so’ng “O’zbekiston temir yo’llari” AJ yuqori boshqaruv organi tomonidan amalga oshiriladi.

Belgilangan muddatdan kechiktirib taqdim qilingan hujjatlar ko’rib chiqilmaydi.

Qo’shimcha ma’lumotlar quyidagi telefonlar orqali olinishi mumkin:

Tel.: (371) 236-48-26, 236-48-24, 236-48-27           Faks.: (371) 236-48-27

Elektron pochta: nko-info@mail.ru

Manzil: Toshkent shahri, Mirobod tumani, Amir Temur ko’chasi, 4-uy.

31.03.2017y.