Ishonch telefoni (+998 71) 237-99-98Dush. – Jum. 9-00 dan 18-00 gacha

Vokzal ma’lumotxonasi 1005Kecha-kunduz

03:17:41 (GMT +5), chorshanba, 20 fevral 2019

“Eyvalekmaxsustemirbeton” AJ modernizatsiyasi investorlar nigohida

“O'zbekiston temir yo'llari” aktsiyadorlik jamiyatida Belarus Respublikasining ““Strommashina” Mogilevskiy zavodi” aktsiyadorlik jamiyati delegatsiyasi bilan uchrashuv bo'lib o'tdi.

Unda temir yo'l tizimi uchun kerakli bo'lgan temir-beton shpallar, yo'l o'tkazgichlar va boshqa mahsulotlarni ishlab chiqaruvchi “Eyvalekmaxsustemirbeton”  aktsiyadorlik jamiyatini modernizatsiya qilish, yangi texnika-texnologiyalarni joriy qilish, zavod mahsulotlari turlarini yanada ko'paytirish masalalari atroflicha ko'rib chiqildi. 

Belarus davlatining ““Strommashina” Mogilevskiy zavodi” aktsiyadorlik jamiyati MDH davlatlarida temir-beton ishlab chiqarish bo'yicha eng ko'zga ko'ringan korxona hisoblanadi. Hozirgi kunda mazkur zavod tomonidan tayyorlangan mahsulot va texnologiyalar Rossiya, Ukraina, Belarus va Qozog'iston kabi davlatlarga yetkazib berilmoqda.  

Tadbir davomida Belarussiyada ishlab chiqarilgan temir yo'lda foydalaniladigan maxsus shpal va yo'l o'tkazgichlar uchun asbob-uskunlarni olib kelish, o'rnatish va foydalanishga topshirish bo'yicha takliflar ham bildirildi.  Yig'ilish so'nggida ikki tomonlama manfaatli hamkorlikni ivojlantirish bo'yicha kelishuvga ham erishildi. Uchrashuvda “O'zbekiston temir yo'llari” AJ Bosh menejer-bosh muhandisi X.Xasilov ishtirok etdi. 

Belarussiyalik delegatsiya a'zolari tashrif davomida “Eyvalekmaxsustemirbeton” aktsiyadorlik jamiyatida bo'lib, u yerdagi ishlab chiqarish jarayoni bilan yaqindan tanishishdi.

Axborot xizmati

“O‘zbekiston temir yo‘llari” AJ rasmiy saytining materiallaridan foydalanish, shu jumladan republikasiya qilish, faqat belgilangan shartlarni bajargan holatdagina foydalanish mumkin.

BELGILANGAN SHARTLARNI BAJARILMASLIK O‘ZBEKISTON RESPUBLIKASI QONUNCHILIGINING BUZILISHI HISOBLANADI

  • nashr uchun ko’rinish