Ishonch telefoni (+998 71) 237-99-98Dush. – Jum. 9-00 dan 18-00 gacha

Vokzal ma’lumotxonasi 1005Kecha-kunduz

21:10:05 (GMT +5), seshanba, 10 dekabr 2019

"O'ztemiryo'lyo'lovchi" AJ temir yo'l chiptalarini sotishning yangi tizimini ishga tushirdi

Bir oydan kamroq vaqt davom etgan test rejimi yakunlandi va O'zbekiston Respublikasi mustaqilligining 28 yilligi arafasida "E-ticket" elektron chiptalarini sotish bo'yicha uzoq kutilgan yangi tizim muvaffaqiyatli ishga tushirildi. Endi Internet orqali ichki va xalqaro temir yo'l chiptasini masofadan xarid qilish mumkin. 

Bundan tashqari, agar kerak bo'lsa, sotib olingan chiptani onlayn ravishda qaytarib olishingiz mumkin. Bu yangi xususiyat – yangi tizimning asosiy afzalliklaridan biridir. Ilgari, chiptalarni qaytarish uchun to'g'ridan-to'g'ri "O'ztemiryo'lyo'lovchi" AJga murojaat qilish, pasportni taqdim etish, turli hujjatlarni to’ldirish kerak edi. 

Yangi tizim, shuningdek, temir yo'l chiptalarini sotish masalalarida oshkoralikni ta'minlash imkonini beradi. Yaxshilangan va soddalashtirilgan dizayn, juda qulay interfeys osongina harakat qilishingizga yordam beradi. Misol uchun, agar dastlabki versiyada chipta sotib olishda 7 shartli qadamlar amalga oshirilgan bo’lsa, endi siz faqat to'rtta qadamni bajarishingiz kerak. Ushbu xizmat uch tilda – o'zbek, rus va ingliz tillarida taqdim etiladi.

To'lovga milliy to'lov tizimlarining kartalaridan vaqtincha qabul qilinadi. Yaqin kelajakda "VISA" va "MASTER sard" xalqaro to'lov tizimlari orqali to'lovlarni amalga oshirish imkoniyati paydo bo'ladi. 

ESDA TUTING! Hududimizdagi ichki reyslar uchun sotib olingan elektron chiptani siz temir yo'l vokzali kassalarida – belgilangan tartibda hisobot blankida chiptani olishingiz majburiy emas, aksincha shaxsiy kabinetingizdagi elektron chiptani A4 shaklida chop etishingiz yetarli, chunki stansiyaga kirishda va inspektor tomonidan o’tkaziladigan tekshirishda tegishli muhr qo'yiladi. Agar siz davlatlararo reys uchun elektron chiptani rasmiylashtirsangiz, davlatlararo shartnomalarga muvofiq amalga oshirishingiz kerak bo’ladi, bu holda siz temir yo'l vokzali kassalarida – belgilangan tartibda hisobot blankida chiptani olishingiz kerak, bu esa boshqa davlatlarda sayohat qilish, shuningdek, sayohat hisobotlari uchun tekshiruvchilarning talabiga binoan taqdim etilishi kerak. 

Yangi saytdagi boshqa xizmatlar qatorida respublikamizning tarixiy shaharlari haqida turistik yo'nalish bo'yicha dolzarb ma'lumotlar ham taqdim etilgan. Shu yerda elektron chiptalarni sotib olish qoidalari, jismoniy imkoniyati cheklangan yo'lovchilar uchun ma'lumot, yo'lovchi tashish qoidalari, sug'urta bo'yicha ma'lumotlar, imtiyozlar va bonuslar bo'yicha ma'lumotlar, shuningdek, tez-tez so'raladigan savollar bo'yicha ham ma'lumotnomalar joylashtirilgan.

Qo'shimcha ma'lumot olish uchun "O'ztemiryo'lyo'lovchi" AJ elektron tijorat sektoriga murojaat qiling»
Tel: + 998712997984, + 998909436996

Axborot-tahliliy media markazi

“O‘zbekiston temir yo‘llari” AJ rasmiy saytining materiallaridan foydalanish, shu jumladan republikasiya qilish, faqat belgilangan shartlarni bajargan holatdagina foydalanish mumkin.

BELGILANGAN SHARTLARNI BAJARILMASLIK O‘ZBEKISTON RESPUBLIKASI QONUNCHILIGINING BUZILISHI HISOBLANADI

  • nashr uchun ko’rinish