Yangi o‘quv yili ko‘tarinki ruhda boshlandi
Toshkent temir yo‘l muhandislari institutida istiqlolimizning 28 yilligi hamda 2019-2020 o‘quv yilining boshlanishi munosabati bilan ma’naviy-ma’rifiy tadbir bo‘lib o‘tdi.
“O‘zbekiston temir yo‘llari” AJ boshqaruv raisi o‘rinbosari O'.Tursunqulov anjuman ishtirokchilarini Vatanimiz mustaqilligining 28 yilligi bilan samimiy tabriklab, institut jamoasiga va talabalik baxtiga musharraf bo‘lgan yigit-qizlarga omadlar tiladi. U o‘z nutqida talabalar avvalo kuchli bilimga ega bo‘lishni, temir yo‘l tizimidagi islohotlar va bu o‘zgarishlarda yoshlarning o‘rnini, qolaversa, istiqlolimizga munosib yoshlar bo‘lish lozimligini ta’kidlab, o‘z tavsiyalarini berdi. Shundan so‘ng, Toshkent temir yo‘l muhandislari instituti rektori M.Rasulov yig‘ilish ishtirokchilarini yangi o‘quv yili bilan qutladi. Bugungi kunga qadar institutda erishilgan yutuqlar va o‘zgarishlarni qayd etdi.
An’anaga ko‘ra, yangi o‘quv yilining birinchi sabog‘i “Mustaqillik darsi” bilan boshlandi. “Jonajon O‘zbekistonim, mangu bo‘l omon!” shiori ostida o‘tkazilgan ilk darslarda kelajak sari intilayotgan yoshlarga ona-yurtga muhabbat tuyg‘usi, milliy o‘zlikni anglash, eng bebaho, eng aziz ne’mat – mustaqilligimizni asrab-avaylash va qadrlash hissi har bir farzandning burchi ekanligi yana bir bor ta’kidlandi.
Toshkent temir yo‘l muhandislari institutining matbuot xizmati
“O‘zbekiston temir yo‘llari” AJ rasmiy saytining materiallaridan foydalanish, shu jumladan republikasiya qilish, faqat belgilangan shartlarni bajargan holatdagina foydalanish mumkin.
BELGILANGAN SHARTLARNI BAJARILMASLIK O‘ZBEKISTON RESPUBLIKASI QONUNCHILIGINING BUZILISHI HISOBLANADI
