×

Saytda ovoz jo‘rligidan foydalanish bo‘yicha yo‘riqnoma

Hurmatli foydalanuvchilar! Saytda ovoz jo‘rligidan foydalanish imkoniyati mavjud. Ushbu funksiyadan foydalanish uchun ovozli rejimga o‘tish zarur, keyin kerakli matnni belgilab, hosil bo‘lgan belgini bosish lozim.
* Saytdagi ovoz jo‘rligi funksiyasi Windows Vista va undan oldingi versiyadagi operatsion tizimlarda ishlamaydi.

Ishonch telefoni (+998 71) 237-99-98Dush. – Jum. 9-00 dan 18-00 gacha

Vokzal ma’lumotxonasi 1005Kecha-kunduz

22:45:18 (GMT +5), juma, 15 noyabr 2019

“Keles” stansiyasi butunlay qayta ta’mirlandi

Keng ko‘lamli ishlarni amalga oshirish maqsadida «Toshkent mintaqaviy temir yo‘l uzeli» unitar korxonasi tasarrufidagi stansiyalarni bosqichma-bosqich rekonstruksiya qilish rejalashtirilgan.


«Keles» respublikamizning qo‘shni davlat bilan temir yo‘l orqali bog‘laydigan chegara hududiga yaqin stansiyalardan biridir. 2019 yil yanvar oyida ushbu stansiyada belgilangan rejaga ko‘ra ta’mirlash ishlari boshlab yuborilgan edi.


- «Keles» mamlakatimizning eng ko‘rkam va barcha sharoitlarga ega 3-klass turiga mansub stansiyalaridan biriga aylandi,- deydi stansiya boshlig‘i Rustam Mahamadjonov. - Joriy yilning o‘tgan vaqti mobaynida stansiyaning asosiy binosi tashqi va ichki qismi, ishchi-xodimlar xonalari tubdan ta’mirlandi. Unda xonalarga 14 ta zamonaviy sovitish va isitish uskunalari ta’minlandi va yangi jihozlar  o‘rnatilib, ko‘rkam gilamlar to‘shaldi, ishchi-xodimlarimiz to‘liq kompyuter  texnikalariga ega bo’lishdi. Faoaliyat ko‘rsatayotgan temiryo‘lchilarning nazariy bilimi va tajribasini oshirish maqsadida o‘quv xonasi, amaliy ko‘nikmalarini shakllantirish uchun esa o‘quv poligoni ham tashkil etildi. 

Takidlash lozimki, stansiya hududida joylashgan yo‘l ustalarining dam olish binosi, o‘quv va yuvinish  xonalari qayta ta’mirlanib, yangi mebel  jihozlari o‘rnatildi. Atrof esa panjarali to‘siqlar bilan o‘ralib, archa va manzarali ko‘chatlar, anvoyi gullar ekilib obodonlashtirildi. 

Quvonarlisi aholiga qulaylik yaratish maqsadida stansiya hududida joylashgan yo‘lovchilar o‘tish yo‘lagi ham to‘liq ta’mirlanib, usti zamonaviy qoplama bilan yopildi. 

Axborot-tahliliy media markazi

“O‘zbekiston temir yo‘llari” AJ rasmiy saytining materiallaridan foydalanish, shu jumladan republikasiya qilish, faqat belgilangan shartlarni bajargan holatdagina foydalanish mumkin.

BELGILANGAN SHARTLARNI BAJARILMASLIK O‘ZBEKISTON RESPUBLIKASI QONUNCHILIGINING BUZILISHI HISOBLANADI

  • nashr uchun ko’rinish