Metropolitenda poyezd to‘xtab qolganiga izoh

Joriy yilning 20 sentyabr soat 09:10 da G‘ofur G‘ulom bekatidan Chorsu bekatiga harakatlanishi lozim bo‘lgan 41-yo‘nalishdagi harakat tarkibida havo taqsimlash tizimida texnik nosozlik yuzaga kelgan.

Harakat xavfsizligini taʼminlash maqsadida yo‘lovchilar bekatda tushurilgan va ortda harakatlanib kelgan 43-yo‘nalishdagi  harakat tarkibi  yordam sifatida kelib, nosoz harakat tarkibini texnik ko‘rik punktiga olib ketgan. Texnik nosozlik 09:25 da bartaraf etilgan.

Keltirilgan noqulayliklar uchun yo‘lovchilardan uzr so‘raymiz.

"Toshkent metropoliteni" UK