O‘zbekiston
temir yo‘llari Aksiyadorlik jamiyati

Strategik rivojlanish qismida temir yo‘l transporti rivojlanishini prognoz qiladi, tegishli boshqarmalar bilan birgalikda “O‘zbekiston temir yo‘llari” AJni rivojlantirish Strategiyasini ishlab chiqadi. Sanoat faoliyatini tashkil etish va nazorat qilish qismida: sanoat korxonalari bo‘yicha tayyor mahsulot ishlab chiqarish dasturlari va kalendar grafiklarini tayyorlash; operativ-ishlab chiqarishni rejalashtirish uchun normativlarni ishlab chiqish va joriy etish; ulardan samarali foydalanish choralarini ko‘rish maqsadida Jamiyatning sanoat korxonalarida ishlab chiqarish quvvatlari va uskunalarning yuklanishi hisob-kitoblarini bajarish; Jamiyatning sanoat korxonalari tomonidan yangi mahsulotlarni o‘zlashtirishda foydalaniladigan ehtiyot qismlar, xomashyo va materiallarga bo‘lgan ehtiyoj normalarini ishlab chiqish; mahsulotlarning ishonchliligini va ularning texnologiklik darajasini doimiy ravishda oshirishga, tannarxini, mehnat sarfini va material sarfini kamaytirishga erishgan holda tajriba namunalarini tayyorlashni, ularni sinashni, o‘rnatish partiyalarini ishlab chiqishni va birinchi sanoat seriyalarini chiqarishni tashkil etish; Jamiyatning sanoat korxonalari tomonidan o‘zlashtirilayotgan mahsulotlarning tajriba namunalarini tayyorlashni, ularni sinashni, o‘rnatish partiyalarini ishlab chiqishni va mahsulotlarning birinchi seriyalarini chiqarishni tashkil etish.

“O‘zbekiston temir yo‘llari” Axborot-tahlil media markazining vazifalari:

• “O‘zbekiston temir yo‘llari”  AJning yagona axborot siyosatini shakllantirish va amalga oshirish;

• “O‘zbekiston temir yo‘llari” AJ faoliyatini targ‘ib qilish, shuningdek, ommaviy axborot vositalari, televideniye va global internet tarmog‘i orqali jamoatchilik bilan o‘zaro aloqalarni taʼminlash masalalari bo‘yicha mahalliy va xorijiy ommaviy axborot vositalari bilan ikki tomonlama hamkorlik sifatini oshirish;

• “O‘zbekiston temir yo‘llari” AJ faoliyatiga oid ko‘rgazmalar, konferensiyalar, brifinglar, davra suhbatlari, mediaturlar va matbuot anjumanlarini tashkil etish;

• jahondagi temir yo‘l sohasidagi so‘nggi tendensiyalarni o‘rganish maqsadida zamonaviy texnologiyalar va kreativ yondashuvlardan foydalangan holda axborot-tahliliy materiallar tayyorlash;

• yuqori malakali mutaxassislarni jalb qilgan holda, keyinchalik global tarmoq (Internet) va ommaviy axborot vositalarida tarqatish uchun yuqori sifatli video, fotomateriallar, bosma nashrlarni tayyorlash;

• “O‘zbekiston temir yo‘llari” AJ brendini rivojlantirishga qaratilgan takliflarni ishlab chiqish va amalga oshirish;

• “O‘zbekiston temir yo‘llari” AJ faoliyati samaradorligini oshirish, shu jumladan turli treninglar, mahorat darslari, kurslar va seminarlar tashkil etish orqali takliflar kiritish va faol chora-tadbirlarni amalga oshirish;

• reklama faoliyatini va boshqa tijorat loyihalarini amalga oshirish;

• “O‘zbekiston temir yo‘llari”  AJ rahbariyati tomonidan yuklangan boshqa vazifalar.

“O‘TY” AJning barcha korxonalari va bo‘linmalari, shu jumladan mintaqaviy temir yo‘l uzellari (MTYU) ishini ularning poyezdlar harakati xavfsizligini, harakatlanuvchi tarkib va boshqa texnik vositalarning saqlanishini ta’minlash qismida tekshirishlarni tashkil etadi. Mehnat muhofazasi, texnik va sanoat xavfsizligi qismida: Jamiyat bo‘yicha umuman ishlarni tashkil etishni muvofiqlashtiradi va mehnat muhofazasi holati ustidan nazoratni amalga oshiradi; Mehnat muhofazasi, texnik va sanoat xavfsizligi sohasida normativ hujjatlarni ishlab chiqadi, joriy etadi, o‘z vakolatlari doirasida tarkibiy bo‘linmalarga amaliy yordam ko‘rsatadi; Tarkibiy bo‘linmalarning mehnat muhofazasi va texnika xavfsizligi bo‘yicha muhandislari ishini muvofiqlashtiradi.

Davlat, yuridik va jismoniy shaxslarning temir yo‘l tashishlariga bo‘lgan ehtiyojlarini qondirish maqsadida tashish xavfsizligini oshirish, tashilayotgan yuklarning saqlanishini ta’minlash, yuklarni yetkazib berish muddatlari ustidan nazorat o‘rnatish, ko‘rsatilayotgan transport xizmatlari sifatini oshirish; yo‘lovchilar va yuklarni tashishda xalqaro tajribani qo‘llash, transport bozorida temir yo‘l transportining raqobatbardoshligini oshirish; tashish jarayonlarini raqamlashtirish, yangi texnologiyalarni qo‘llash; poyezdlar harakati va manevr ishlari xavfsizligini ta’minlash; infratuzilma ob’ektlari, texnik vositalar va ilg‘or texnologiyalardan samarali foydalanish maqsadida poyezdlarning o‘tkazuvchanlik va yuk ko‘tarish qobiliyatini optimallashtirish; yo‘lovchilar va yuklarni tashishni tashkil etish sohasida yagona texnik siyosatni shakllantirish va amalga oshirish; stansiya yuk maydonchalarida yuk ortish-tushirish ishlarini tashkil etishni nazorat qilish; yuk tashishni operativ prognozlash, xalqaro tashishlardagi kelishuvlarni muvofiqlashtirish; Operativ foydalanish ishlarini boshqarishni ta’minlash, yo‘lovchi va yuk poyezdlari harakati jadvalini bajarish, poyezdlarning xavfsiz va uzluksiz harakatlanishini ta’minlash maqsadida Yagona dispetcherlik markazi (keyingi o‘rinlarda — YaDM) va mintaqaviy temir yo‘l uzellari filiallari (keyingi o‘rinlarda — MTYU filiallari) ishi ustidan nazoratni amalga oshirish; tegishli tuzilmalar va uning tarkibiga kiruvchi tashkilotlar bilan birgalikda tashilayotgan yuklarning butligini saqlashga, xavfli vaziyatlarni bartaraf etishga qaratilgan choralarni ishlab chiqish va amalga oshirish; yuk tashish ko‘rsatkichlari bajarilishini operativ rejalashtirish; temir yo‘l stansiyalarining bo‘sh vagonlarga bo‘lgan ehtiyojini ta’minlash.

Yuk vagonlaridan foydalanishni tashkil etish, harakat xavfsizligi va ulardan samarali foydalanish.

Temir yo‘l transportining barqaror va samarali ishlashini ta’minlash, poyezdlar harakati xavfsizligini va infratuzilma xizmatlari sifatini oshirish, shuningdek tashish jarayonini markazlashtirilgan dispetcherlik boshqaruvini tashkil etish. Jamiyat temir yo‘l infratuzilmasini rivojlantirish va modernizatsiya qilishni, shu jumladan zamonaviy texnologiyalarni joriy etish, texnik bazani yangilash va xizmat ko‘rsatish darajasini xalqaro standartlarga ko‘tarishni ta’minlaydi. Infratuzilma ob’ektlarini (yo‘llar, ko‘priklar, tunnellar, elektr ta’minoti, signalizatsiya va aloqa tizimlari) rivojlantirish, ularni rekonstruksiya qilish va texnik qayta qurollantirish.

a) Jamiyatni transformatsiya qilish bo‘yicha takliflar tayyorlash, transformatsiya bo‘yicha belgilangan vazifalarni bajarish va yuqori turuvchi organlar, shu jumladan O‘zbekiston Respublikasi Prezidenti Administratsiyasi, Strategik islohotlar agentligi, Transport vazirligi va boshqalar bilan transformatsiya masalalari bo‘yicha o‘zaro hamkorlik qilish, mamlakat rahbariyatiga, respublika Hukumatiga transformatsiya masalalari va Ofis faoliyati bilan bog‘liq boshqa masalalar bo‘yicha ma’lumot va hisobotlar tayyorlash;

b) tegishli bo‘linmalar bilan birgalikda transformatsiya va raqamlashtirish doirasida: Jamiyatning istiqbolli investitsiya loyihalarini shakllantirish bo‘yicha takliflar kiritish; Jamiyatda korporativ boshqaruvni takomillashtirish, biznes-jarayonlarni optimallashtirish, raqamlashtirish; “O‘zbekiston temir yo‘llari” AJ transformatsiyasi doirasida qo‘yilgan vazifalarni bajarishga qaratilgan Jamiyatning tashkiliy tuzilmasiga o‘zgartirishlar kiritish bo‘yicha takliflar tayyorlash; Jamiyatning operatsion samaradorligini oshirish bo‘yicha takliflar tayyorlash; “O‘zbekiston temir yo‘llari” AJda respublika darajasida tasdiqlanadigan davlat dasturlari bo‘yicha transformatsiya va raqamlashtirish bo‘yicha topshiriqlar ijrosini monitoring qilish;

Jamiyat tarkibiga kiruvchi, Jamiyatning ijro etuvchi organiga bevosita bo‘ysunuvchi asosiy va boshqa faoliyat turlaridagi tarkibiy korxonalarni ularga tegishli daromadlar va boshqa hisobvaraqlar bo‘yicha qarzdorliklar hisobidan Jamiyatning hisob-kitob varag‘idan belgilangan tartibda moliyalashtirish; Ish haqini to‘lash uchun tarkibiy bo‘linmalarni qisqa muddatli kreditlashni tashkil etish va ularni kredit majburiyatlarini bajarish summalari bo‘yicha moliyalashtirish; Uzoq muddatli investitsiya kreditlariga xizmat ko‘rsatish bo‘yicha to‘lovlarni, shuningdek, ushbu kreditlar bo‘yicha asosiy qarzni qaytarishni o‘z vaqtida ijro etish; Markazlashtirilgan badallar, soliqlar va majburiy ajratmalarni hisoblash va to‘lashni amalga oshirish; Jamiyat shartnomalariga muvofiq xorijiy yetkazib beruvchilarga chet el valyutasida to‘lovlarni amalga oshirish; Berilgan kreditlar, moliyaviy yordam ko‘rsatish bo‘yicha hisob-kitoblarni o‘tkazish; Harakatlanuvchi tarkibni ta’mirlash (modernizatsiyadan tashqari) uchun zavodlar bilan markazlashtirilgan hisob-kitoblarni o‘tkazish; Investitsiyalardan olingan dividendlar bo‘yicha Jamiyat bilan o‘zaro hamkorlik shartnomalariga ega korxonalar bilan operatsiyalarni amalga oshirish.

Pudrat faoliyatidagi, shuningdek, ijtimoiy sohadagi ishlab chiqarish-iqtisodiy ko‘rsatkichlar bo‘yicha yillik va istiqbolli prognozlar loyihalarini shakllantirish; Boshqa boshqarmalar va markazlar bilan birgalikda “O‘TY” AJ ishining biznes-rejasini ishlab chiqish; “O‘TY” AJ boshqarmalari, markazlari va korxonalari bilan birgalikda yillik va istiqbolli prognozlar bo‘yicha takliflar ishlab chiqish; Iqtisodiy va ijtimoiy rivojlanish prognozlari bajarilishi jarayoni ustidan doimiy nazoratni amalga oshirish, “O‘TY” AJ ijro apparatining tegishli boshqarmalari, markazlari va bo‘limlari bilan birgalikda uni amalga oshirish jarayonida yuzaga keladigan kamchilik va qiyinchiliklarni bartaraf etish bo‘yicha takliflar tayyorlash.

“O‘zbekiston temir yo‘llari” AJda hisob va hisobotni tashkil etish, amalga oshirish va muvofiqlashtirish, “O‘zbekiston temir yo‘llari” AJ rahbariyatiga va vakolatli organlarga taqdim etish.

Jamiyatning kiber va axborot xavfsizligi sohasidagi davlat siyosatini amalga oshirish; o‘z vakolatlari doirasida yuqori turuvchi organlar bilan hamkorlik qilish; jamiyatning rasmiy veb-saytining kiberxavfsizlik talablariga muvofiqligini nazorat qilish; jamiyatning axborot xavfsizligini ta’minlash; jamiyatda ishlab chiqariladigan yoki sotib olinadigan axborot tizimlarining axborot xavfsizligi talablariga muvofiqligi bo‘yicha loyiha-texnik hujjatlar (texnik topshiriq) ekspertizasini tashkil etish; jamiyat mutaxassislari va xodimlari uchun kiberxavfsizlik bo‘yicha malaka oshirishni tashkil etish.

“O‘zbekiston temir yo‘llari” AJning yagona kadrlar siyosati amalga oshirilishini va korporativ strategiya bilan bog‘liq holda personalni strategik boshqarishni ta’minlaydi. Personalni tanlash, yollash, joy-joyiga qo‘yish va rivojlantirishni, shu jumladan kadrlar rezervini shakllantirish va yosh mutaxassislar bilan ishlashni amalga oshiradi. Xodimlarni o‘qitish, attestatsiyadan o‘tkazish va malakasini oshirishni, shu jumladan harakat xavfsizligi bilan bog‘liq yo‘nalishlar bo‘yicha tashkil etadi. Kadrlar ma’murchiligi, HR-tahlil, shuningdek motivatsiya tizimi va mehnat munosabatlarini boshqarishni ta’minlaydi. Natijada tashish jarayonining ishonchliligini va kompaniya faoliyati xavfsizligini ta’minlaydigan barqaror kadrlar salohiyati shakllanadi.

Xalqaro kengash va muzokaralarni tayyorlash va tashkil etish; “O‘zbekiston temir yo‘llari” AJning xalqaro hamkorlik va tashqi iqtisodiy aloqalar sohasidagi vazifalaridan kelib chiqadigan protokol ishlarining barcha kompleksini amalga oshirish; Tarkibiy bo‘linmalar rahbarlari va mutaxassislarining yaqin va uzoq xorijiy mamlakatlarga xizmat safarlarini ko‘rib chiqish va Jamiyat rahbariyatiga tasdiqlash uchun taqdim etish; Jamiyat rahbariyatining xorijiy mamlakatlarga xizmat safarlari bo‘yicha Vazirlar Mahkamasi va O‘zbekiston Respublikasining tegishli vazirliklariga hisobotlar tayyorlash; Xorijda “O‘zbekiston temir yo‘llari” AJga tegishli masalalar bo‘yicha tashkil etiladigan forum, kengash va ko‘rgazmalarda Jamiyat xodimlarining ishtirokini tashkil etish; Jamiyat uchun qo‘shimcha daromadlarni jalb qilish maqsadida xorijiy tashkilotlar va kompaniyalar bilan muzokaralar o‘tkazish; Jahon bozori konyunkturasini, istiqbolli talabni o‘rganish va Jamiyat brendini ilgari surish.

AJ faoliyatida qonun ustuvorligi va qonuniylikni ta’minlash, AJda chiqariladigan normativ-huquqiy va boshqa hujjatlar loyihalarining muvofiqligini nazorat qilish, normativ ijodkorlik ishlarida ishtirok etish, huquqiy targ‘ibotni o‘tkazish, shartnomaviy-huquqiy va talabnoma-da’vo ishlarini yuritish, AJning boshqa manfaatlari himoyasini ta’minlash.

Xavfsizlik rejimini va ob’ektlarni himoya qilishni ta’minlash, maxsus tadbirlarni muvofiqlashtirish, shuningdek, axborot xavfsizligi va himoyasi sohasida belgilangan talablarga rioya qilinishini nazorat qilish.

Qonunchilik hujjatlari asosida “O‘TY” AJ aksiyalari qimmatli qog‘ozlarini chiqarish va markaziy depozitariyda joylashtirish; Xalqaro tajribani chuqur tahlil qilish va shu asosda korporativ boshqaruvning zamonaviy usullarini joriy etish; Aksiyadorlar, ijro apparati va mehnat jamoasi bilan birgalikda moliyaviy barqarorlikni saqlash, mehnat unumdorligini oshirish, mahsulot raqobatbardoshligini, ishlab chiqarish, eksport va energiya samaradorligi ko‘rsatkichlarini oshirishga, soha xususiyatlaridan, raqobat muhiti tahlilidan kelib chiqqan holda ishlab chiqarishlarni modernizatsiya qilish, texnik va texnologik yangilashni amalga oshirishga qaratilgan “O‘TY” AJning strategik maqsadlarini belgilash; “O‘TY” AJ ishtirokidagi aksiyadorlik jamiyatlariga xorijiy investitsiyalarni keng jalb qilish; “O‘TY” AJ ishtirokchilarining huquqlari va qonuniy manfaatlarini amalga oshirishni ta’minlash; Manfaatdor shaxslarning, shu jumladan “O‘TY” AJ xodimlarining huquqlarini ta’minlash; “O‘TY” AJ ijro apparatining Yagona aksiyador, kompaniya Kengashi, “O‘TY” AJ xodimlari va investorlar bilan o‘zaro hamkorligini ta’minlash.

Istiqbolli investitsiya loyihalarini muvofiqlashtiradi va belgilangan tartibda jamiyat rahbariyatiga tasdiqlash uchun kiritadi, loyiha hujjatlarini ishlab chiqish, kelishish va tasdiqlashni muvofiqlashtiradi, “O‘zbekiston temir yo‘llari” AJ tomonidan amalga oshirilayotgan investitsiya loyihalari bo‘yicha ma’lumotlar jamlanmasini yuritadi.

“O‘zbekiston temir yo‘llari” AJda ish yuritishni tashkil etish, ish yuritish bo‘yicha yo‘riqnomani ishlab chiqish va tasdiqlash, ish yuritish tizimini takomillashtirish, direktiv organlarning normativ hujjatlari ijrosi ustidan nazoratni ta’minlash, yuridik va jismoniy shaxslarning murojaatlarini ko‘rib chiqishni tashkil etish, jamiyat rahbariyati tomonidan jismoniy shaxslarni va yuridik shaxslar vakillarini qabul qilishni tashkil etish.

Ishlarni boshkarish direksiyasi – boshkaruv apparatida zamonaviy texnik vostilarni ishlatish orqali ishchilarning yuqori mehnat samaradorligiga erishish uchun me’yordagi maishiy sharoitlarni yaratadi. Direksiya balansida bo’lgan bino va inshootlarni yaroqlikda saqlash va joriy ta’mirlash ishlarini amalga oshiradi.

Temir yo‘l transportida tashilayotgan yuklarni qo‘riqlash va butligini ta’minlash, o‘ta muhim va toifalangan ob’ektlarni, shuningdek shartnoma asosida boshqa idoralarning ob’ektlarini qo‘riqlash, yuqori tezlikdagi, tezkor temir yo‘l uchastkalarini qo‘riqlash, qo‘riqlanadigan t.y. vokzallari xavfsizligini ta’minlash, yong‘in-profilaktika tadbirlarini o‘tkazish va belgilangan yong‘in xavfsizligi talablari bajarilishini nazorat qilish, yong‘inlarni o‘chirish va b.

Jamiyat bo‘linmalari va korxonalarini YM va TMClar (shu jumladan oziq-ovqat mahsulotlari) bilan markazlashtirilgan holda ta’minlash; Ko‘mir mahsulotlarini aholi va byudjet tashkilotlariga realizatsiya qilish.

Jamiyat ob’ektlarini qurish bo‘yicha buyurtmachi funksiyalarini amalga oshiradi.

Axborot- xisoblash markazi – zamonaviy xisoblash texnik majmualari bilan jixozlangan. Ular yordamida tashishlarni boshqarishning bir qator ulkan masalari xal qilinmokda, shuningdek magistralning moliyaviy va iqtisodiy faoliyatining statistik ma’lumotlarini qayta ishlashga erishilmokda.
“O’zbekiston temir yo’llari” AJ Axborot- xisoblash markazi MDH davlatlari, Latviya, Litva, Estoniya va uchinchi davlatlar xududlarida vagonlarni izlash va ularni yo’nalish xarakatini kuzatishni amalga oshiradi.

«O’ztemiryo’lyo’lovchi» aksiyadorlik jamiyati – yo’lovchi temir yo’l transporti faoliyatini yaxshilaydi, xizmat ko’rsatish madaniyat darajasini oshiradi, yo’lovchi tashishni boshqarishni takomillashtirish va temir yo’l transporti bo’linmalarida bozor munosabatlarini shakllantirish uchun shart-sharoit yaratatishni amalag oshiradi.

Yuk tashishlarni kuzatib borish va rasmiylashtirish, logistik rejalashtirish, tashuvchilar bilan hamkorlik qilish, shuningdek yuk temir yo‘l transporti sohasida tegishli tijorat va servis xizmatlarini ko‘rsatishni o‘z ichiga olgan transport-ekspeditorlik xizmatlarini tashkil etish.

Konteyner parkini shakllantirish, boshqarish va ulardan foydalanishni, shuningdek milliy va xalqaro qatnovlarda konteyner tashishlarini tashkil etishni amalga oshiradi. Kompaniya tashish hujjatlarini rasmiylashtirish, mijozlar bilan hamkorlik qilish va “eshikdan eshikkacha” tamoyili bo‘yicha multimodal tashishlarni tashkil etishni o‘z ichiga olgan transport-ekspeditorlik xizmatlarining to‘liq kompleksini ko‘rsatadi. Konteyner parkini hisobga olish, nazorat qilish va undan samarali foydalanishni, shu jumladan uning xalqaro qatnovlarda harakatlanishi va qaytarilishini ta’minlaydi. Bundan tashqari, konteyner oqimlarini optimallashtirish va yuklarni yetkazib berish muddatlarini qisqartirishga qaratilgan logistika jarayonlarini muvofiqlashtiradi. Konteyner infratuzilmasini rivojlantirishni va tashish jarayoniga zamonaviy texnologiyalarni joriy etishni amalga oshiradi. Natijada konteyner tashish hajmlarining o‘sishi va transport-logistika faoliyati samaradorligini oshirish ta’minlanadi.

Yuk vagonlarini qurish va ta’mirlash, shuningdek ehtiyot qismlar, metall konstruksiyalar va import o‘rnini bosuvchi mahsulotlar ishlab chiqarish, shu jumladan ixtisoslashtirilgan domkratlar va lokomotiv ko‘targichlarini tayyorlash hamda yuk vagonlarining turli tiplariga, shu jumladan sissernalar, sement va mineral o‘g‘itlar tashish uchun vagonlar, shuningdek universal platformalarga xizmat ko‘rsatish bo‘yicha kompleks ta’mirlash xizmatlarini ko‘rsatish.

Biriktirilgan hududda tabiiy ekotizimlarni saqlashni va tabiiy resurslardan oqilona foydalanishni ta’minlaydi. Biologik xilma-xillikni muhofaza qilish, ekologik turizmni rivojlantirish va ilmiy-tadqiqot faoliyatini o‘tkazish bo‘yicha tadbirlarni amalga oshiradi. Shuningdek, ekologik ma’rifat va tabiatni muhofaza qilish dasturlarini amalga oshirishda ishtirok etadi.

Temir yo‘l izini saqlash, ta’mirlash va modernizatsiya qilish bo‘yicha mexanizatsiyalashgan ishlarni bajarishni amalga oshiradi. Ixtisoslashtirilgan texnikani qo‘llagan holda yo‘l ishlarini, shu jumladan yo‘lni to‘g‘rilash, rixtovka qilish va tozalashni ta’minlaydi. Yo‘l mashinalari va mexanizmlariga texnik xizmat ko‘rsatish va ulardan samarali foydalanishni tashkil etadi.