O‘zbekiston – Xitoy: O‘zaro hamkorlik masalalari muhokama qilindi
Kuni kecha “O‘zbekiston temir yo‘llari” AJ Xitoyning “Xian Free Trade Port Construction and Operation Co.Ltd” kompaniyasi bilan uchrashib, logistika va infratuzilma qurilishi sohasidagi hamkorlikni mustahkamlash masalalarini muhokama qildi.
Yig‘ilishni “O‘zbekiston temir yo‘llari” AJ boshqaruvi raisining birinchi o‘rinbosari X.Raxmetov va Shensi provinsiyasi Savdo departamenti direktori Yang Miao olib bordi.
Uchrashuvda O‘zbekiston va Xitoy transport logistikasi sohasida muhim sheriklar ekani va bu boradagi hamkorlik rivojlanish uchun katta salohiyatga ega ekanligini ta’kidladilar. Tomonlar, shuningdek, ikki davlat o‘rtasida yuk tashish hajmini oshirishdan manfaatdorligini bildirdi.
Xitoy O‘zbekistondagi infratuzilma loyihalarida ishtirok etishdan manfaatdor ekanini bildirdi va mamlakat transport infratuzilmasini rivojlantirishga hissa qo‘shishga tayyorligini ta’kidladi.
Ikki tomon hamkorlik istiqbollariga ishonch bildirdi va hamkorlikni yanada rivojlantirishga kelishib oldi.
“O‘zbekiston temir yo‘llari” AJ va Xitoyning “Xian Free Trade Port Construction and Operation Co.Ltd” kompaniyasi o‘zaro hamkorlikni mustahkamlash, transport logistikasi va infratuzilmasini rivojlantirish, shuningdek, O‘zbekiston va Xitoy o‘rtasidagi iqtisodiy aloqalarni mustahkamlashga ko‘maklashadi. Bu ikki davlat o‘rtasidagi savdo-iqtisodiy hamkorlikni kengaytirish va do‘stona munosabatlarni mustahkamlash uchun yangi imkoniyatlar ochmoqda.
*"Xian Free Trade Port Construction and Operation Co.Ltd." kompaniyasi Xitoyning yirik korxonasi boʻlib, erkin savdo portlarini qurish va ulardan foydalanishga ixtisoslashgan. U erkin savdo portlari doirasida infratuzilmani rivojlantirish, qurish va boshqarish bilan shugʻullanadi, bu savdo, sarmoya va iqtisodiy rivojlanish uchun qulay shart-sharoitlarni yaratadi.
"Oʻzbekiston temir yoʻllari" AJ
Axborot-tahliliy media markazi
“O‘zbekiston temir yo‘llari” AJ rasmiy saytining materiallaridan foydalanish, shu jumladan republikasiya qilish, faqat belgilangan shartlarni bajargan holatdagina foydalanish mumkin.
BELGILANGAN SHARTLARNI BAJARILMASLIK O‘ZBEKISTON RESPUBLIKASI QONUNCHILIGINING BUZILISHI HISOBLANADI
