O‘zbekiston
temir yo‘llari Aksiyadorlik jamiyati

Temiryo‘lchilar ham “COVID-19” virusiga qarshi emlanmoqda

Bugun “O‘zbekiston temir yo‘llari” aksiyadorlik jamiyatining bosh boshqarmasi tibbiyot markazida koronavirus infektsiyasiga COVID-19ga qarshi emlash boshlandi.

Emlash "ZF-UZ-VAC-2001" o‘zbek-xitoy vaktsinasi bilan amalga oshirilib, bu 28-30 kun ichida uch dozali vaksinani olishni o‘z ichiga oladi. O‘zbekiston Respulikasi Sog‘liqni saqlash vazirligi hamda O‘zbekiston Respulikasi Sanitariya-epidemiologik osoyishtalik va jamoat salomatligi xizmatlarining  ko‘magi bilan vaksina “O‘zbekiston temir yo‘llari” AJning tibbiyot markaziga yetib kelidi.

Emlashni Jamiyat boshqaruvi raisi v.b. X.Xasilov boshlab berdi va shu bilan temir yo‘l xodimlari va ishchilariga o‘rnak bo‘ldi.

- Biz hammamiz virus va uning tug‘diradigan asoratlari, ayniqsa sog‘lig‘i xavf ostida bo‘ldiganlar yoki juda ko‘p odamlar bilan aloqada bo‘ladigan odamlar uchun juda xavfli ekanligini tushunib etishimiz kerak, - dedi emlashdan so‘ng  boshqaruvi raisi v.b. X.Xasilov - Biz emlash bilan xotirjammiz va infektsiyani yuqtirgan taqdirda, kasallik og‘ir kechmaydi.

Eslatib o‘tamiz, emlashning birinchi bosqichi butun mamlakat bo‘ylab temir yo‘l sohasi tarkibiy tuzilmalarining barcha xodimlarini qamrab oldi. Barcha bosqichlarda emlash rejasi temir yo‘l ishchilari uchun eng qulay sharoitlarda amalga oshiriladi.

“O‘zbekiston temir yo‘llari” AJ boshqaruvidagi tibbiyot markazida ilgari tuzilgan jadvalga muvofiq, emlash kunlari dushanba va payshanba kunlari soat 09:00 dan 13:00 gacha belgilangan. Emlash ixtiyoriy ravishda amalga oshiriladi. U qulay sharoitda va kasbiy terapevt tomonidan majburiy tibbiy ko‘rikdan so‘ng amalga oshiriladi. Tana harorati, kislorod bilan to‘yinganlik darajasi va qon bosimi, puls o‘lchanadi va tomoq tekshiriladi. Agar salbiy ko‘rsatkichlar mavjud bo‘lsa, emlash amalga oshirilmaydi.

Ta'kidlash joizki, emlash bo‘yicha barcha ma'lumotlar O‘zbekiston Respublikasi Sog‘liqni saqlash vazirligining ma'lumotlar bazasiga kiritiladi. Vaksinaning birinchi dozasini olgandan so‘ng, xodim tomonidan birinchi dozani olganligi va keyingi emlash sanasi to‘g‘risida telefonga SMS-xabar yuboriladi. Shunday qilib, keyingi bosqichlarga o‘tiladi va emlash kursi tugashi bilan siz emlash kursini tugatganligi to‘g‘risida SMS-xabar olasiz va havolani ochasiz. Shundan so‘ng, QR kodi orqali emlanganlik to‘g‘risida sertifikat olasiz.

Emlashdan keyin 30 minut ichida emlangan ishchilar allergik va nojo‘ya reaktsiyalarni kuzatib borish uchun tibbiy nazorat ostida bo‘ladi va tibbiy markazdan chiqmaydilar. Har kimga emlash vaqti va emlashdan keyin cheklov choralari to‘g‘risida eslatma beriladi - allergik mahsulotlar bundan mustasno, spirtli ichimliklar ichmaslik va 3-5 kun davomida qisqa vaqt ichida cho‘milishga taqiq qo‘yish, shuningdek sog‘liqni saqlash xodimlarini sog‘ligi to‘g‘risida xabardor qilib borish shular jumlasidan.

Emlash davrini va emlanganlarning sog‘ligi nazorat qilish Markaziy temir yo‘l poliklinikasi oliy toifali – shifokori  Ye.Malkovaga va Bosh ofis tibbiyot markazining hamshiralari zimmasiga yuklangan. Bundan tashqari, Telegramdagi maxsus "Masofaviy maslahat" kananalida Siz har doim emlash bilan bog‘liq har qanday savolga batafsil javob olishingiz mumkin.