Fevral: Rossiyadan O‘zbekistonga 2ta maxsus reysi tashkil etilmoqda

5812
nashr uchun ko‘rinish

Rossiya davlatida qolib ketgan yurtdoshlarimizni mamlakatimizga kelishlari uchun qulaylik yaratish maqsadida “O‘zbekiston temir yo‘llari” aksiyadorlik jamiyati tomonidan navbatdagi maxsus poyezdlar qatnovi yo‘lga qo‘yilmoqda.

Jumladan, Voljskiy – Toshkent yo‘nalishida harakatlanadigan 483-sonli poyezd 18 va 25 fevral kunlari Moskva vaqti bilan soat 20:50da “Voljskiy” temir yo‘l vokzalidan jo‘naydi.
Mazkur poyezdga faqat bir tomonga, ya’ni “Voljskiy – Toshkent” yo‘nalishiga chiptalar sotiladi. Yo‘lovchilarga chipta xarid qilishda qulaylik yaratish maqsadida elektron chiptalarni sotish yo‘lga qo‘yilgan. Rossiyadagi fuqarolarimizning yaqinlari O‘zbekistonda turib “O‘zbekiston temir yo‘llari” aksiyadorlik jamiyatining https://e-ticket.railway.uz veb-sayti orqali chiptalarni elektron tarzda xarid qilib, internet orqali hamyurtlarimizga jo‘natishlari ham mumkin.

IZOH: Qo'shimcha ma'lumotni Toshkent shahridagi 1005 qisqa telefon raqami, joylardagi temir yo'l kassalari hamda ma'lumotlar byurosidan bilib olishingiz mumkin.

                                                                                                                                                                       Axborot-tahliliy media markazi
Ortga qaytish
0
0

“O‘zbekiston temir yo‘llari” AJ rasmiy saytining materiallaridan foydalanish, shu jumladan republikasiya qilish, faqat belgilangan shartlarni bajargan holatdagina foydalanish mumkin.

BELGILANGAN SHARTLARNI BAJARILMASLIK O‘ZBEKISTON RESPUBLIKASI QONUNCHILIGINING BUZILISHI HISOBLANADI