O‘zbekiston
temir yo‘llari Aksiyadorlik jamiyati

OTB va O‘TY: Temir yo‘l sohasida gender jihatlarini ustuvorlashtirish loyihasi yakunlandi

2023 yil 4 iyul kuni Osiyo taraqqiyot banki (OTB) tomonidan "O‘zbekiston temir yo‘llari" AJda gender jihatlarini ustuvorlashtirish bo‘yicha loyiha muvaffaqiyatli yakunlandi. ““O‘zbekiston temir yo‘lini elektrlashtirish: Markaziy Osiyo mintaqaviy iqtisodiy hamkorlik Koridori-2 (Buxoro – Miskin – Urganch – Xiva)” loyihasi doirasida “Gender komponentlarini ishlab chiqish va amalga oshirish” deb nomlangan loyiha temir yo‘l tarmog‘idagi ayollarning ish bilan taʼminlanish imkoniyatlarini kengaytirish va daromadlarini oshirishga qaratilgan.

Osiyo taraqqiyot banki ekspertlari tomonidan "O'zbekiston temir yo'llari" AJ vakillari bilan birgalikda ta'lim maktablarida STEM (fan, texnologiya, muhandislik va matematika) sohasida tahsil olayotgan yosh ayollarni jalb qilish uchun temir yo'l transporti imkoniyatlari va marketing tashabbuslari haqida batafsil ma'lumot berildi. Bundan tashqari, loyiha mahalliy jamoalarda ayollar uchun ko'proq imkoniyatlar yaratish uchun mehmondo'stlik, turizmni boshqarish, marketing va sog'liqni saqlash bo'yicha treninglarni qo'llab-quvvatladi.

Loyihaning yakuniy tadbirida manfaatdor tomonlar loyihaning yutuqlari bilan tanishdilar va o‘z tajribalari va fikr-mulohazalari bilan o‘rtoqlashdilar. Toshkent Davlat transport universiteti vakili Laziz Bozorov taʼkidlashicha, ushbu loyiha o‘qitishga moslashuvchan va inklyuziv yondashuvlardan foydalangan holda, temir yo‘llardan foydalanish va texnologiyalar bo‘yicha ixtisoslashtirilgan tayyorgarlikni rivojlantirishga yordam berganini taʼkidladi. Talabalarni moslashtirish uchun gender xabardorligini oshirish dasturi ham joriy etildi.

Loyiha gender masalalari bo‘yicha jamoatchilikni xabardor qilish va gender stereotiplarini yo‘q qilish bo‘yicha kampaniya o‘tkazdi. Tadbir, shuningdek, temir yo‘l ayollari uchun iqtisodiy huquqlarni kengaytirish bo‘yicha hamkorlikni kuchaytirish va va yana-da rivojlantirishga ko‘mak berdi.

O‘zbekiston temir yo‘l sohasidagi gender jihatlarini ustuvorlashtirish loyihasi nafaqat ushbu sohadagi ayollar uchun teng imkoniyatlar yaratish, balki ularning mamlakat taraqqiyotida faol ishtirok etishini rag‘batlantirishga qaratilgan. Ushbu loyiha orqali  ayollar temir yo‘l transporti sohasida taʼlim olish va ishga joylashish imkoniyatiga ega bo‘lishdi.

Ilm-fan, texnologiya, muhandislik va matematika kabi STEM taʼlimida ayollarning ishtirokini rag‘batlantirishga alohida eʼtibor qaratildi. Yosh qizlar ushbu sohalarda ishlashning imkoniyatlari va afzalliklari to‘g‘risida maʼlumot olishdi va bu ularga ongli ravishda kasb tanlashga imkon berishiga xizmat qiladi.

Bundan tashqari, loyiha ayollarni mehmonxonalar biznesi, turizmni boshqarish, marketing va sog‘liqni saqlash sohalarida o‘qitishga ko‘maklashishdi. Ushbu sohalar ish o‘rinlarini yaratish va ayollarga daromad olish uchun imkoniyat yaratishga katta imkoniyatlarga egadir.

Loyihaning yakuniy tadbiri doirasida tajriba almashish va gender masalalari bo‘yicha jamoatchilik xabardorligini oshirish kampaniyasi natijalarini taqdim etish uchun o‘zgacha maydon vazifasini o‘tadi. Shuni taʼkidlash kerakki, ushbu loyiha nafaqat ayollar uchun teng imkoniyatlarni oshirishga yordam berdi, balki gender integratsiyasida ishlaydigan manfaatdor tomonlar va tashkilotlar bilan hamkorlikni kuchaytirdi.

Osiyo taraqqiyot banki barqaror rivojlanish va gender inklyuzivligiga ko‘maklashuvchi loyihalarni qo‘llab-quvvatlab, O‘zbekistonda va mintaqamizning boshqa mamlakatlarida ham o‘z faoliyatini davom ettirmoqda. Ushbu saʼy-harakatlar adolatli va teng huquqli jamiyatni yaratishga qaratilgan bo‘lib, unda barcha odamlar, jinsidan qatʼiy nazar, o‘z salohiyatini amalga oshirish va iqtisodiy rivojlanishga hissa qo‘shishi shubhasizdir.

Axborot-tahliliy media markazi
"O‘ zbekiston temir yo ʼllari" AJ