«O‘TY» va «XCMG» AJ: O‘zaro hamkorlikni rivojlantirish masalalari muhokama qilindi
Bugun, 2023 yil 21 sentyabr kuni "O‘zbekiston temir yo‘llari" aksiyadorlik jamiyati rahbariyati va Xitoyning Xuzhou Construstion Machinery Group So., Ltd. (XCMG) kompaniyasi o‘rtasida muzokaralar bo‘lib o‘tdi, unda tomonlar samarali o‘zaro hamkorlik istiqbollarini muhokama qildilar.
Uchrashuv "O‘zbekiston temir yo‘llari" AJ boshqaruvi raisi Z.Narzullayev va Xitoy XCMG kompaniyasi boshqaruvi raisi Yang Dongsheng rahbarligida bo‘lib o‘tdi.
Muzokaralar davomida ikki tomon «UzXCMG» qo‘shma korxonasining muvaffaqiyatli ishini qayd etib, Xitoy texnologiyasiga muvofiq turli qurilish texnikasi, jumladan, g‘ildirakli ekskavatorlar, paletli ekskavatorlar, yuk ko‘taruvchilar, buldozerlar va greyderlar, karyera texnikasi va boshqa yo‘l qurilish uskunalari ishlab chiqarish bilan shug‘ullanadi.
Shuningdek, Xitoy kompaniyasi tomonidan to‘g‘ridan-to‘g‘ri investitsiyalar orqali texnika ishlab chiqarishni mahalliylashtirish darajasini oshirish, narxlarni pasaytirish va ishlab chiqarilayotgan mahsulotlar qatorini kengaytirish masalalari muhokama qilindi. Ikkala tomon ham nafaqat O‘zbekiston hududida, balki Markaziy Osiyo mamlakatlarida ham savdo hajmini oshirishga qiziqish bildirdi.
Muzokaralar "O‘zbekiston temir yo‘llari" aksiyadorlik jamiyati va Xitoyning XCMG kompaniyasi o‘rtasidagi hamkorlikni yana-da rivojlantirish va o‘zaro manfaatli munosabatlarni mustahkamlash to‘g‘risidagi bitim bilan yakunlandi. Ushbu hamkorlik har ikki tomonga qurilish uskunalari bozorida o‘z imkoniyatlarini kengaytirish va mintaqada infratuzilmani rivojlantirishga yordam beradi
"O‘zbekiston temir yoʼllari" AJ
Axborot-tahliliy media markazi
“O‘zbekiston temir yo‘llari” AJ rasmiy saytining materiallaridan foydalanish, shu jumladan republikasiya qilish, faqat belgilangan shartlarni bajargan holatdagina foydalanish mumkin.
BELGILANGAN SHARTLARNI BAJARILMASLIK O‘ZBEKISTON RESPUBLIKASI QONUNCHILIGINING BUZILISHI HISOBLANADI
