O‘zbekiston
temir yo‘llari

Aksiyadorlik jamiyati

Konstitutsiya kuniga bag'ishlangan tantanali yig'ilish bo'lib o'tdi

Bugun, 2023-yil 7-dekabr kuni "O'zbekiston temir yo'llari" aksiyadorlik jamiyatida O'zbekiston Respublikasi Konstitutsiyasining 31 yilligiga bag'ishlangan tantanali yig'ilish bo'lib o'tdi. Tadbir "O'zbekiston temir yo'llari" AJ boshqaruvi raisi Z.Narzullayev rahbarligida tashkil etildi, unda boshqarmalar, markazlar, tashkilotlar va korxonalar rahbarlari ishtirok etdi.

Z.Narzullayev so‘zga chiqib barcha yig‘ilganlarni O‘zbekiston Respublikasi Konstitutsiyasining 31 yilligi bilan tabriklab, uning jamiyat uchun ahamiyatini alohida ta’kidladi. U Konstitutsiya qonun ustuvorligini shakllantirish, fuqarolarning huquq va erkinliklarini himoya qilish, shuningdek, davlat faoliyatining asosiy tamoyillarini belgilashda asosiy o‘rin tutishini ta’kidladi.

Yig‘ilish davomida o‘z ishiga alohida fidoyilik ko‘rsatgan xodimlar taqdirlandi. Bu insonlar O‘zbekistonda temir yo‘l tarmog‘ini rivojlantirish, ko‘plab loyihalarni muvaffaqiyatli amalga oshirishga katta hissa qo‘shgan. "O'zbekiston temir yo'llari" AJ boshqaruvi raisi Z.Narzullayev mukofotlangan barcha xodimlarga jamiyat va umuman soha rivojiga qo'shgan bebaho hissasi uchun minnatdorchilik bildirdi. Uning ta'kidlashicha, ularning professionalligi va fidoyiligi barcha xodimlar uchun namuna bo'lib, yangi marralarni zabt etishga ilhomlantiradi.

“O‘zbekiston temir yo‘llari” aksiyadorlik jamiyati Konstitutsiyamizda belgilangan tamoyillarga amal qilgan holda, O‘zbekiston Respublikasi infratuzilmasi va iqtisodiyotini rivojlantirishga munosib hissa qo‘shib, xalq farovonligi yo‘lida o‘z faoliyatini davom ettirmoqda.

"O'zbekiston temir yo'llari" AJ
Axborot-tahliliy media markazi