Qobulda transport yo‘lagi bo‘yicha muhim tarixiy hujjat imzolandi
Joriy yilning 17 iyul kuni Afg‘oniston poytaxti Qobul shahrida “Termiz – Naybobod – Maydanshahr – Logar – Xarlachi” yo‘nalishi bo‘yicha texnik-iqtisodiy asos (TIA)ni ishlab chiqish bo‘yicha Hukumatlararo doiraviy bitim imzolandi.
Mazkur loyihaning global miqyosdagi geosiyosiy ahamiyatini, shuningdek, Transafg‘on transport yo‘lagini shakllantirishdagi O‘zbekiston tomonidan bildirilgan tashabbuskorlikni inobatga olgan holda, ushbu Bitimning imzolanish marosimi Kobul shahrida o‘tkazildi.
Hujjatning imzolanishi, avvalo, loyihaning tezroq amalga oshirilishiga, Yevroosiyoning yagona transport markazini yaratishga hamda davlatlar o‘rtasidagi ko‘p tomonlama hamkorlikning yanada chuqurlashishiga xizmat qiladi.
Eslatib o‘tamiz, joriy yil fevral oyida O‘zbekiston Respublikasi va Pokiston Islom Respublikasi davlat rahbarlari uchrashuvi yakunlariga ko‘ra erishilgan kelishuvlar asosida, (https://president.uz/ru/lists/view/7905) O‘zbekiston, Afg‘oniston va Pokiston temiryo‘l ekspertlari tomonidan “Termiz – Naybobod – Maydanshahr – Logar – Xarlachi” temiryo‘l liniyasi bo‘yicha texnik-iqtisodiy asosni ishlab chiqish bo‘yicha uch tomonlama Hukumatlararo hadli bitim loyihasi ishlab chiqilgan edi.
Ushbu loyiha doirasida bugungi kungacha ishtirokchi davlatlar tomonidan ichki muvofiqlashtirish tartib-taomillari o‘tkazildi, uch mamlakat temiryo‘l ma’muriyatlari o‘rtasida bir qator videokonferensiya shaklidagi uchrashuvlar tashkil etildi.
Imzolangan Bitimga ko‘ra, loyiha bo‘yicha TIA ishlab chiqish bilan bog‘liq barcha ishlarning buyurtmachisi sifatida 2023-yil may oyida tashkil etilgan bosh uch tomonlama Loyihalar ofisi (https://t.me/projekt_office_smsc) — “O‘zbekiston temir yo‘llari” AJ huzuridagi Xalqaro raqamli transport yo‘laklari rivojlanish strategiyasi loyihalar ofisi belgilangan. Mazkur ofisning Kobul va Islomobod shaharlarida filiallari mavjud. (https://railway.uz/ru/informatsionnaya_sluzhba/novosti/33874/)
Ma’lumot uchun: 2023-yil 18-iyul kuni Islomobod shahrida uch ishtirokchi davlat vakillari tomonidan “O‘zbekiston – Afg‘oniston – Pokiston” temiryo‘l liniyasining yakuniy yo‘nalishi — “Termiz – Naybobod – Maydanshahr – Logar – Xarlachi” kelishib olingan. (https://railway.uz/ru/informatsionnaya_sluzhba/novosti/34446/) O‘sha yili “Boshtransloyiha” AJ hamda “E&Y” (katta to‘rtlikka kiruvchi xalqaro kompaniya) bilan hamkorlikda loyihaning dastlabki texnik-iqtisodiy asos hujjati ishlab chiqilgan (https://youtu.be/tyLM3XKjqAM?si=H89F5gvSVxO8pvIZ).
Faylni yuklab olish
1.jpg107 Kb
“O‘zbekiston temir yo‘llari” AJ rasmiy saytining materiallaridan foydalanish, shu jumladan republikasiya qilish, faqat belgilangan shartlarni bajargan holatdagina foydalanish mumkin.
BELGILANGAN SHARTLARNI BAJARILMASLIK O‘ZBEKISTON RESPUBLIKASI QONUNCHILIGINING BUZILISHI HISOBLANADI
