"Xitoy – Qozog‘iston – O‘zbekiston – Turkmaniston – Eron – Turkiya" temir yo‘l yo‘lagi bo‘yicha navbatdagi uchrashuv bo‘lib o‘tdi
2025-yil 22–23-iyul kunlari Xitoy Xalq Respublikasining Pekin shahrida “Xitoy – Qozog‘iston – O‘zbekiston – Turkmaniston – Eron – Turkiya” xalqaro temir yo‘l yo‘lagi bo‘yicha hamkor davlatlar temir yo‘l ma’muriyatlarining navbatdagi uchrashuvi bo‘lib o‘tdi.
Tadbirda Xitoy, Qozog‘iston, O‘zbekiston, Turkmaniston, Eron va Turkiya temir yo‘l ma'muriyati vakillari, yirik trnasport-logistika korxonalari rahbarlari va ekspertlar ishtirok etdilar.
Uchrashuv davomida tomonlar “Xitoy – Yevropa” yo‘nalishidagi yuk tashish hajmlari yildan-yilga barqaror o‘sib borayotganini e’tirof etdilar hamda mavjud va muqobil transport yo‘llarini yanada rivojlantirish masalalariga alohida e’tibor qaratdilar.
Shuningdek, mintaqaviy va transkontinental logistika tizimining barqarorligini ta’minlash, yuk tashuvlar samaradorligini oshirish, tranzit jarayonlarini soddalashtirish, shuningdek, raqobatbardosh tarif siyosatini shakllantirish bo‘yicha o‘zaro hamkorlikni kuchaytirish zarurligi ta’kidlandi.
Uchrashuv yakunida tomonlar yo'lak bo'ylab raqobatbardosh tariflarni qo'llashga hamda kelgusida hamkorlikni kengaytirish, temir yo‘l yo‘lagi bo‘yicha yuk oqimini ko‘paytirish va multimodal transport tizimlarini joriy etish bo‘yicha qo‘shma choralarni ko‘rishga kelishib oldilar.
“O‘zbekiston temir yo‘llari” AJ rasmiy saytining materiallaridan foydalanish, shu jumladan republikasiya qilish, faqat belgilangan shartlarni bajargan holatdagina foydalanish mumkin.
BELGILANGAN SHARTLARNI BAJARILMASLIK O‘ZBEKISTON RESPUBLIKASI QONUNCHILIGINING BUZILISHI HISOBLANADI
