“AMZ” AJ: Temiryo’l sanoatida yangi yutuqlar
O‘zbekistonda eksport salohiyatini oshirish, ishlab chiqaruvchilarni har tomonlama qo‘llab-quvvatlash va sanoat kooperatsiyasini kuchaytirish yo‘lida izchil ishlar amalga oshirilmoqda.
2024-yil 21-noyabr kuni “O‘zbekiston temir yo‘llari” AJ, “Andijon mexanika zavodi” AJ hamda “Olmaliq kon-metallurgiya kombinati” AJ hamkorligida “Sanoat uchburchagi” sanoat yarmarkasi doirasida umumiy qiymati 501,76 mlrd so‘mlik loyihani amalga oshirish bo‘yicha memorandum imzolandi. Ushbu loyiha doirasida 6 o‘qli, 115 tonna yuk ko‘taruvchi dumpkar-samosval vagonlarini loyihalash, ishlab chiqarish va 2025-yilda yetkazib berish ko‘zda tutilgan.
Loyiha “Olmaliq tog‘-kon metallurgiya kombinati” hamda “Olmaliq quyuq mexanika zavodi” bilan qo‘shma tarzda mahalliylashtirildi. Ushbu yo‘nalishdagi ilk vagonni O‘zbekiston mustaqilligining 34 yilligi munosabati bilan 2025-yil avgust oyida jo’natish rejalashtirilgan.
Shuningdek, O‘zbekiston Respublikasi Prezidentining 2019-yil 1-maydagi PQ-4302-sonli “Sanoat kooperatsiyasini yanada rivojlantirish va talab yuqori bo‘lgan mahsulotlar ishlab chiqarishni kengaytirish chora-tadbirlari to‘g‘risida”gi (cooperation.uz) qaroriga muvofiq, “Navoiyuran” DK buyurtmasiga asosan 2025-yil davomida 45 dona 15-9724 va 15-9724-04 rusumli vagon-sisternalar ishlab chiqarilib, qiymati 59 mlrd so‘m miqdoridagi mahsulot yetkazib berildi. Ayni vaqtda ularning 10 donasi foydalanishga topshirilgan.
Eksport ko‘lami kengaymoqda
Mahalliylashtirilgan mahsulotlar xorijiy bozorlarga ham muvaffaqiyatli yo‘l olmoqda:
• Turkmaniston Respublikasining “Ege Logistika Kompaniyasi” bilan tuzilgan shartnoma asosida, umumiy qiymati 4,452 mln AQSH dollari bo‘lgan 56 dona 15-9721 rusumli neft mahsulotlari tashuvchi vagon-sisternalar yetkazib berilmoqda. Hozirda ushbu kompaniyaga 6 dona vagon (477 ming AQSH dollar) hajmida jo‘natilgan. Shuningdek, Turkmanistonlik tadbirkor B. Polliyevga ham shuncha miqdorda eksport amalga oshirilmoqda.
• Qozog‘iston Respublikasining “Kazsink Temir Trans” kompaniyasi uchun esa O‘zbekiston hududida qayta ishlangan, oltin gugurt kislotasini tashuvchi 10 dona vagon-sisternalar 301 ming AQSH dollari qiymatida eksport qilinmoqda.
“O‘zbekiston temir yo‘llari” AJ rasmiy saytining materiallaridan foydalanish, shu jumladan republikasiya qilish, faqat belgilangan shartlarni bajargan holatdagina foydalanish mumkin.
BELGILANGAN SHARTLARNI BAJARILMASLIK O‘ZBEKISTON RESPUBLIKASI QONUNCHILIGINING BUZILISHI HISOBLANADI
