“O‘zbekiston Respublikasi Temir yo'l transporti xodimlari kuni" bayrami bilan ilg'or temiryo'lchilar rag'batlantirilmoqda
30 iyul kuni “O‘zbekiston temir yo‘llari” aksiyadorlik jamiyatida O‘zbekiston temiryo‘lchilari va transport quruvchilari kasaba uyushmasi Respublika Kengashi Ijroiya qo‘mitasi qaroriga binoan Jamiyat tasarrufidagi tashkilot va muassasalarda faoliyat ko‘rsatayotgan ilg‘or temiryo‘lchilar “O‘zbekiston Respublikasi temir yo‘l transporti xodimlari kuni” bayrami hamda Kasaba uyushmalari harakatiga 120 yil to‘lishi munosabati bilan taqdirlanishdi.
Tizimning eng ilg‘or soha xodimlarining bir guruhi yig‘ilgan tadbirda dastlab O‘zbekiston temiryo‘lchilari va transport quruvchilari kasaba uyushmasi Respublika Kengashi raisi Q.Sabirov hamda “O‘zbekiston temir yo‘llari” aksiyadorlik jamiyati bosh muhandisi Sh.Qodirov so‘zga chiqib, temiryo‘lchilarni kasb bayrami bilan samimiy tabriklashdi. Sohada erishilayotgan muvaffaqiyatlarda, katta bunyodkorlik loyihalariningsamarali amalga oshirilishida mehnat qilayotgan har bir temiryo‘lchining munosib hissasi borligi ta’kidlandi.
Shundan so‘ng O‘zbekiston temiryo‘lchilari va transport quruvchilari kasaba uyushmasi Respublika Kengashi rahbariyati tavsiyasi bilan Jamiyat korxonalarining 4 nafar kasaba uyushmasi raislariga“O‘zbekiston temir yo‘llari” aksiyadorlik jamiyati boshqaruvi raisi nomidan “Faxriy yorliq”, 4 nafar mutaxassisga qimmatbaho sovg‘a – televizor topshirildi.
Tadbir davomida “O‘zbekiston temir yo‘llari” AJkorxona, tashkilot va muassasalarining 60 nafar temiryo‘lchi ishchi-xodimlariga esa O‘zbekiston temiryo‘lchilari va transport quruvchilari kasaba uyushmasi Respublika Kengashi byudjeti hisobidan 1 million so‘m pul mukofoti tantanali tarzda topshirildi.
Shu bilan birgalikda, Tarmoq kasaba uyushmasi Respublika Kengashi tomonidan “Mehnat muhofazasi va xavfsizligi bo‘yicha jamoatchilik nazoratini tashkil etish” yuzasidan Respublika ko‘rik-tanlovining 2024 yil yakunlari bo‘yicha tanlovda 4 ta nominatsiya bo‘yicha 12 nafar g‘olibga esdalik sovg‘alari berildi.
E’tiborlisi, temiryo‘lchilar kasb bayrami munosabati bilan barcha mintaqaviy temir yo‘l uzellarida mehnat qilayotgan 100 nafar ishchi-xodim manzilli 1 million so‘m pul mukofoti bilan rag‘batlantirildi. Respublikaning tarixiy shaharlariga 200 nafar mehnatkash uchun sayohatlar tashkil etilmoqda. Mehnat jamoalarida ishchilar o‘rtasida turli xil sport musobaqalari tashkil qilinmoqda va ushbu ishlarga Respublika Kengashi tomonidan 120 million so‘m ajratildi.
Undan tashqari, “O‘zbekiston temir yo‘llari” aksiyadorlik jamiyati tasarrufidagi korxona, tashkilot va muassasalarda smena asosida muntazam ravishda mehnat qilayotgan 400 nafar ishchi-xodimga Respublika Kengashi mablag‘i hisobidan “Xo‘jakent” mas’uliyati cheklangan jamiyati dam olish maskaniga bepul 2 kunlik jamoaviy sayohatlar tashkil qilindi.
Shuningdek, kam ta’minlangan, ko‘p bolali temiryo‘lchi ayollarga sog‘lomlashtirish sanatoriyalariga 10 ta bepul yo‘llanma ajratildi. Temir yo‘l tizimida ishlaydigan 250 nafar ishchi-xodimga moddiy yordam ko‘rsatildi. Uzoq yillar samarali mehnat qilgan 100 nafar yolg‘iz, yotoqli va nogironligi bor ayol pensionerlar ro‘yxati shakllantirilib, ularning har biriga 1 million so‘m miqdorida moddiy yordam ko‘rsatildi.
“O‘zbekiston temir yo‘llari” AJ rasmiy saytining materiallaridan foydalanish, shu jumladan republikasiya qilish, faqat belgilangan shartlarni bajargan holatdagina foydalanish mumkin.
BELGILANGAN SHARTLARNI BAJARILMASLIK O‘ZBEKISTON RESPUBLIKASI QONUNCHILIGINING BUZILISHI HISOBLANADI
